NOORDWES. – Michelle van Rooyen, ‘n leerling van Laerskool La Hoff in Klerksdorp, het in ‘n ongeluk waarin sy, haar pa, haar ma en suster betrokke was, gesterf.
Die jong oorledene se pa, Mike van Rooyen, is ‘n onderwyser van die skool. Hy, sy vrou Elloise en hulle ander dogter, Lize, is na die ongeluk met beserings in die hospitaal opgeneem. Die skool het Michelle se afsterwe op die skool se sosialemediablad gedeel. Boodskappe van medelye het ingestroom.
“Ons innige simpatie aan mnr. Mike en sy familie, met die afsterwe van ons Hoffie-maatjie, Michelle, tydens ‘n motorongeluk. Ons bid vir die Van Rooyen-familie gedurende hierdie tyd en wens vir mnr. Mike, sy vrou Elloise en Lize, spoedige beterskap toe, terwyl hulle aansterk in die hospitaal.”
