DURBAN, KZN. – Leya Moser (18) het onlangs vinnig gereageer toe ’n bejaarde man op 2 April op die King Shaka- internasionale lughawe ’n mediese noodgeval gehad het.
Volgens Clifton Surf Livesaving, waarvan Moser ’n lid is, het die man op sy rug gelê en het stuiptrekkings gekry. “’n Groot hoeveelheid bloed het by sy mond uitgekom en hy het nie gereageer nie.”
Moser het glo vinnig opgetree en die man in die herstelposisie geplaas. Sy het handskoene aangetrek en hom duidelike instruksies gegee.
Die man was gered van moontlike verstikking totdat die paramedici opgedaag het.
Clifton Surf Livesaving het hulle trots uitgespreek oor Moser, wat ’n junior lewensredder is. Volgens hulle kan lewensredding op enige plek toegepas word – selfs op ’n lughawe.
Bronne: CSL, Instagram
