‘Kapingsindikaat’ vir voertuie na Eswatini oopgevlek, voertuie teruggevind

Lees ook :

Foto's: SAPD

GAUTENG. – ‘n Beweerde oorgrens-sindikaat wat glo voertuie kaap en na Eswatini smokkel, is in ‘n huis in Kiblerpark, suid van Johannesburg, oopgevlek. Vier voertuie is teruggevind.

Kol. Mavela Masondo sê die polisie saam met Ekurhuleni-metropolisie en die padverkeersbestuurskorporasie (RTMC) het inligting van die sindikaat ontvang. Die inligting het na die huis gelei waar die vier voertuie – ‘n Toyota Fortuner, gesteel in Jeppe, ‘n Isuzu-bakkie, gesteel in Heidelberg, ‘n BMW waarmee gepeuter is en ‘n Land Rover Discovery – in die erf ontdek is.

In die huis is verskillende Eswatini-nommerplate, motorregistrsiedokumente, selfgemaakte VIN-nommers, implemente en stensils wat gebruik word om die VIN-nommers te druk, gekry.

‘n Burger van Eswatini, wat in die huis was, is in hegtenis geneem en op aanklag van die besit van gekaapte motorvoertuie aangekla.

“Meer arrestasies word verwag soos wat die ondersoek voortduur.”

Detecting your platform...

Klik hier om ons toep af te laai Nuusflits App