OOS-KAAP. – Kapt. Ntombekhaya Patricia August (49), wat van diefstal en regsverydeling beskuldig word, is deur die Oos-Londen-landdroshof op R4 000 borg vrygelaat. Meer as R1 m. is glo op 10 Januarie van die misdaadintelligensiekantoor gesteel.
Luxolo Tyali, woordvoerder vir die NVG, sê ‘n onbekende man het toegang tot die kantoor verkry deur voor te gee om August te besoek. Na bewering het die man ‘n vuurwapen en ‘n skoolsak te voorskyn gebring en August beveel om die geld daarin te plaas. August het die geld in die sak gesit en die verdagte is daarmee weg.
‘n Ondersoek het August met die misdaad verbind, waarna ‘n eerste hofverskyning op 20 Januarie gemaak is. Die ander verdagte is steeds op vrye voet.
“Dit is die staat se saak dat August die toneel van die rooftog opgestel het en/of voorgegee het dat die geld tydens die rooftog bewillig is.”
Die saak is vir verdere ondersoek tot 4 Maart uitgestel.
