NAIROBI, KENIA. – ‘n Keniaanse polisiebeampte wat by een van die hekke van die president se amptelike woning moes waghou, is gister dood nadat hy met ‘n pyl en boog geskiet is.
Lees ook: Tornado in Germiston veroorsaak geen skade nie
‘n Man (56) het gister met ‘n pyl en boog by die president se woning opgedaag en die polisiebeamptes genader. Hulle het hom beveel om sy wapens neer te sit, maar hy het vorentoe beweeg en polisiebeampte, Ramadhan Matanka, in die ribbes geskiet.
Matanka is na ‘n hospitaal geneem, maar is oorlede terwyl hy behandeling ontvang het.
Die verdagte, wat hom as ‘n hawelose persoon vermom het, is in hegtenis geneem en verskyn vandag in die hof.
Bronne: BBC, Graphic Online, KahawaTungu
