WES-KAAP. – Twee kinders en hulle ouma is Dinsdagoggend op ‘n plaas in Denneboomstraat in die Paarl behandel nadat hulle onwetend lekkers wat glo dwelms bevat, geeët het.
DFW Fire and Rescue sê in ‘n sosialemediaplasing ‘n noodoproep op Zello het vrywilligers tot aksie laat spring en hulle was binne drie minute op die toneel. Die kinders en hulle ouma het te danke aan die vrywilligers, ambulanspersoneel en polisie dringende mediese versorging ontvang. Die lekkers is gekonfiskeer en die plaaslike inwoner aan wie dit glo behoort, is in hegtenis geneem.
Die gemeenskap is weer gewaarsku oor gevaarlike items binne die bereik van kinders. Die Paarl-polisie en metro-nooddienste is vir hulle ondersteuning bedank. Die persoon wat gearresteer is, is intussen vrygelaat.
Nuusflits het polisiekommentaar gevra.
