Lees ook: Buitelander in hegtenis wat presidensiële inhuldiging probeer bywoon
JAPAN. – Meer as 1 000 gevalle van ‘n hoogs fatale infeksie deur ‘n “vleesetende” bakterie is sedert Januarie in Japan aangemeld.
Streptokokkale toksiese-skok-sindroom (STSS) wat deur die bakterie Streptococcus pyogenes veroorsaak word, is tans in omloop in Japan. Simptome is gewoonlik koors en keelinfeksies, maar dit kan vinnig verander in ‘n noodgeval wat “toksiese skok” veroorsaak en organe binne dae laat ingee.
Die bakterieë word op die vel gedra, maar sodra dit in die bloedstroom kom, vernietig dit selle en liggaamsweefsel, vandaar die benaming vleesetende bakterie.
Die rede vir die styging in gevalle is onbekend. Mense word aangeraai om handhigiëne te handhaaf.
Bronne: DW – South Africa, The Washington Post, First Post
Lees ook: Buitelander in hegtenis wat presidensiële inhuldiging probeer bywoon
