Die konstitusionele hof het eenparig beslis dat die Suid-Afrikaanse menseregtekommissie (SAMRK) nie bindende opdragte kan uitreik nie. Die saak tussen die SAMRK en AgroData het ook die rol van AfriForum, wat as vriend van die hof opgetree het, ingesluit.
Louis Boshoff, AfriForum se veldtogbeampte, sê die uitspraak bevestig dat die SAMRK se bevindinge nie op sigself afdwingbaar is nie en slegs gewig kry wanneer dit deur ’n hofbevel bekragtig word. Die saak spruit uit ’n vroeëre bevinding van die SAMRK oor toegang tot boorgatwater op die plaas De Doorn Hoek, wat aan AgroData behoort. Die SAMRK het aanbeveel dat grondbesetters gratis toegang tot water moet kry, maar die howe het reeds in vorige uitsprake bevind dat dié aanbeveling nie afdwingbaar is nie. Volgens Boshoff vestig die uitspraak ’n belangrike presedent vir hoe die SAMRK in die toekoms moet optree en bevestig dit die beperkinge op sy magte.
AfriForum sê die beslissing beklemtoon dat grondwetlike instellings binne hul mandaat moet bly en nie besluite sonder hofbekragtiging kan afdwing nie.
Druk hier om meer te lees.
