RUSLAND. – ’n Russiese wetmaker, Leonid Slutsky, het gesê die Kremlin sal waarskynlik vanaand bevestig of pres. Wladimir Poetin môre die vredesamesprekings met pres. Wolodimir Zelenski van Oekraïne in Turkye sal bywoon.
Lees ook: Oekraïne sê Rusland oortree skietstilstand
Afvaardigings van Kijif en Moskou is veronderstel om môre in Istanboel samesprekings te hê oor die beëindiging van die oorlog.
Die Kremlin het gesê dit sal die Russiese afvaardiging bekend maak sodra Poetin toestemming gee om dit te doen, maar dat die afvaardiging daar sal wees.
Zelenski het gesê hy sal na Istanboel vlieg as Poetin opdaag en as “Poetin nie opdaag nie en speletjies speel, is dit die finale bewys dat hy nie die oorlog wil beëindig nie. Trump moet glo dat Poetin eintlik lieg”.
Intussen duur aanvalle tussen Oekraïne en Rusland voort, met nog sterfgevalle oornag in beide lande.
Bronne: The Independent, Sky News, Newsweek
