LEES OOK: Mej. Nicaragua as Mej. Heelal gekroon met SA in Top 20
DURBAN. – Noodspanne het hulle vanoggend na Inandaweg in Durban se Springfield-gebied gehaas ná berigte van ‘n massiewe brand by China City. Die spanne het net ná 01:00 by die toneel aangekom.
Marshall Security se Andreas Mathios het gesê die brand is deur eThekwini se brandweerstasie in bedwang gebring. “Berigte van verskeie paramedici op die toneel was dat daar geen ernstige beserings of sterftes was nie,” het hy gesê. “Die gebou is verseël teen winkeleienaars wat by hulle besighede probeer inkom om voorraad te kry. Die ander dele van die gebou is ook deur die polisie afgesper.”
“Dit is onduidelik wat die brand veroorsaak het. Slegs een deel van die winkelsentrum is teen 01:30 deur die brand geraak.” het Mathios gesê. Die SAPD van Newlands-Wes, Greenwood Park en Sydenham was teenwoordig in geval van moontlike voorvalle van plundering.
#Brand #Durban #Afrikaans #Nuus #Newsfeed
Bronne gebruik: IOL; TimesLive; The Citizen.
