KWAZULU-NATAL. – Chaos het tydens ‘n Ethekwini-raadsvergadering uitgebreek toe sekuriteitspersoneel gevra is om EFF-lede uit die vergadering te begelei.
Denzil Govender van Ground Zero Search and Rescue het video-opnames van die gebeure gedeel.
IOL berig die EFF het vroeër gevra Musa Mbhele, die stadsbestuurder, moet die vergadering verlaat weens beweringe van R1.9 biljoen se voorwaardelike toekenning vir infrastruktuur wat nie gebruik is nie en aan die nasionale tesourie teruggegee is. Die burgemeester het die raad meegedeel die toekenning is besnoei weens besparingsmaatreëls wat deur die nasionale regering ingestel is.
Die EFF het egter nie die verduidelikings aanvaar nie en het aangedring Mbhele moet die vergadering verlaat. ‘n Sekuriteitsbeampte wat die EFF moes begelei, is egter aangeval, waarna chaos uitgebreek het.
Bron: Denzil Govender, IOL
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
