WAARSKUWING! Kru taalgebruik in beeldmateriaal kan lesers ontstel.
KWAZULU-NATAL. – Geweld het Dinsdagoggend voor 09:00 tussen leerlinge by Hoërskool Centenary in Asherville, Durban, uitgebreek. Die skool is om 09:30 verdaag. In ‘n video kan geweld tussen leerlinge ook buite die skool gesien word.
Volgens Denzil Govender van Ground Zero Search and Rescue het DRK Tactical bevestig minstens drie leerlinge het met beserings in hospitale beland.
Die polisie en veiligheidspersoneel was teenwoordig.
Die onderwysdepartement in die provinsie sê in ‘n verklaring die insident word ten sterkste veroordeel. Daar word daaraan gewerk om kalmte by die skool te herstel. Beamptes is by die skool ontplooi om ondersteuning te bied en daar word met alle rolspelers, insluitende die ouers, gewerk. Die insident word in samewerking met wetstoepassingsowerhede ondersoek om die skuldiges aan die pen te laat ry.
