Die nuwe kykNET-dramareeks, Een keer om die son, wat deur Ivan Botha en Donnalee Roberts onder die vaandel van 17 Films vervaardig is, se lokprent is vandag bekendgestel.
Die reeks bestaan uit twaalf episodes wat die lief en leed van ’n familie vir ’n jaar volg. Elke episode verteenwoordig ’n maand in die karakters se lewens.
Botha was die regisseur van Een keer om die son. Hy en Donnalee is medeskrywers saam met Liani Jansen van Rensburg, Retief Scholtz en Tine Kruger. Donnalee vertolk die rol van Amé Cloete in die reeks.
Volgens DSTV vertel die reeks die verhaal van ’n gesin wat op die oog af gelukkig lyk. “Ruan van Wyk is ’n neurochirurg en is getroud met Lani van Wyk. Hulle is die ouers van drie kinders: Markus, wat in matriek is, die 15-jairge Leandri en Sophia in gr. 1.”
Die reeks is in en rondom Kaapstad verfilm. Die volledige rolverdeling word volgende week saam met die amptelike uitsaaidatum bekendgemaak.
Die lokprent:
Bronne: DSTV, kykNET, YouTube
