Beeldmateriaal in berig.
LIMPOPO. – Paaie by Lephalale (Ellisras) is weens vloedwater vir verkeer gesluit. Die R510 by Palm Park, D3110 by die Olifant-woonbuurt en die Tamboti-brug, wat die R518 met Lephalale verbind, is onbegaanbaar.
Die departement van vervoer en gemeenskapsveiligheid het vandag (Dinsdag) omstreeks 10:00 die aankondiging van die paaie wat toe is op sosiale media gemaak.
Daar word aanbeveel alternatiewe roetes moet gebruik word, of reis wat nie nodig is nie, moet liefs uitgestel word.
Die beeldmateriaal is van die Citizens Emergency Group en is 6 kilometer buite Lephalale op die Thabazimbipad geneem.
