Nadat MMA-aanhangers vir drie jaar uitgesien het na Conor McGregor se terugkeer na die oktogoon, is hulle drome verpletter toe hy twee weke voor sy geveg weens ‘n gebreekte toon moes onttrek.
Gelukkig was Alex Pereira en Jiří Procházka bereid om op kort kennisgewing in te spring en die vegkaart te red. Dit sal die tweede keer wees wat hierdie twee gladiators mekaar aanvat, en die eerste keer was uiters opwindend om te beleef! Jiří is uit op wraak en wil sy titel terugwen wat hy voorheen besit het.
Die geveg is beskikbaar op SuperSport op DSTV, waar die hoofkaart om 04:00 Sondagoggend sal begin.
Bert en Schalla praat in hulle potgooi oor die geveg, en wie dalk hierdie keer die oorhand mag hê.
