MADAGASKAR. – Sikloon Gamane wat Woensdag die noordooste van Madagaskar in die Indiese Oseaan getref het, het tot dusver 11 mense se dood veroorsaak.
Ongeveer 7 000 inwoners is deur die sterk wind en hewige reën beïnvloed. Ses mense het verdrink en vyf is dood toe geboue ineengestort het.
Volgens Elack Andriakaja van die BNRGC is die stadige beweging van die sikloon die rede vir die verwoesting. “Wanneer die sisteem op een plek stop, verwoes dit alle infrastruktuur en veroorsaak erge vloede.”
Die sikloon hou geen gevaar vir Suid-Afrika in nie, aangesien dit teen Vrydag weer ooswaarts sal beweeg.
Bronne: Cyclocane, Crisis 24, Channelstv
