GRAHAMSTAD, OOS-KAAP. – ’n Video oor ’n beweerde voorval tussen twee top seunskole in die Oos-Kaap doen die rondte op sosiale media.
’n Geveg het glo uitgebreek na ’n eerste span se rugbywedstryd tydens die Greame-rugbyfees in Grahamstad op 16 Maart.
In die video kan gesien word hoe van beide skole se rugbyspelers en omstanders aan die baklei raak terwyl die toeskouers senuweeagtig toekyk. Na bewering het ’n omstander op die veld gegaan om ’n leerder te takel.
Die een span het die ander 29-14 geklop. Dit is nog nie bekend wat aanleiding tot die onderonsie gegee het nie.
Volgens die een skool se Facebook-blad het die bespreking van ’n speler deur ’n ouer op sosiale media tot die konflik bygedra. Beide skole is gekomplimenteer oor hoe die voorval na die tyd hanteer is.
Adrian Slabbert het die volgende beeldmateriaal van die voorval op Twitter gedeel:
Bronne: Twitter, Facebook
