Who lives in a pineapple under the sea? As jy die eerste sin saamgesing het, het jy al van SpongeBob gehoor. Binnekort sal jy die karakter in Afrikaans op die kassie hoor praat.
Nickelodeon Africa het aangekondig drie seisoene van SpongeBob SquarePants gaan in drie tale bekendgestel word as deel van hulle Nick in your language-inisiatief ter viering van hulle 25ste bestaansjaar. Hierdie inisiatief se doel is om inheemse tale te bevorder.
Die Engelse en Zoeloe-weergawes is al in sommige Afrika-lande uitgesaai, maar dit sal binnekort vir die eerste keer in Afrikaans uitgesaai word.
Volgens Dillon Khan, vise-president van Comedy Central, Nickelodeon, Studios and Creative Services, sê dit is die eerste keer dat hulle ’n program in Afrikaans sal uitsaai.
SpongeBob SquarePants sal weekliks vanaf 17 Junie op NickToons (DSTV-kanaal 308) om 8:00 en 15:00 te sien wees. Kykers sal die taal van voorkeur by die opsie-knoppie op hulle afstandbeheer kan kies.
Bronne: Nickelodeon Africa, IOL
