Waarskuwing: Kru taalgebruik in video.
KWAZULU-NATAL. – Video’s en foto’s van ‘n tornado wat die area van Tongaat en omliggende areas getref het, word op sosiale media versprei.
Samantha Meyrick van IPSS Medical Rescue en IPSS Search and Rescue sê hulle spanne is na die area ontplooi, nadat berig van huise wat beskadig is en strukture wat in duie gestort het, ontvang is.
Sommige van die video-opnames blyk in Utrecht te wees.
Laerskool Maidstone het die ongevalle-versamelpunt geword. Mediese spanne is mobiel om beseerdes by te staan. Reddingspanne werk steeds op verskeie plekke en help mense in ineengestorte strukture.
Mense word gevra om by hulle huise te bly en nie op die paaie tussen Tongaat en Ballito te ry nadat ‘n tornado die gebied getref het nie, aangesien daar puin op padoppervlaktes is.
Foto’s en video’s is deur IPSS Medical Rescue en IPSS Search and Rescue voorsien.
