KWAZULU-NATAL. – Twee persone het omstreeks 06:45 vanoggend in ‘n vragmotorongeluk op die N3 in Lion River gesterf.
Midlands EMS se paramedici is na die ongeluk ontbied.
Beide die bestuurder van die vragmotor en die passasier het aan beserings gesterf en is op die toneel dood verklaar. Die vragmotor het erge skade opgedoen.
Volgens Life Traffic is die oorsaak van die ongeluk onbekend, maar word deur owerhede ondersoek. Die pad is gesluit en verkeer is herlei. ‘n Video-opname van die toneel is gedeel.
