GAUTENG. – Vier mans het gister gesterf toe die motor waarin hulle op die M1-suid gery het net voor Empireweg in Parktown, Johannesburg, beheer verloor en die pad byster geraak het.
Die voertuig het gerol en op die dak van ‘n nabygeleë Toyota-handelaar te lande gekom. Die voertuig, wat in stukke gebreek het, se voorkant het tussen kantore wat nie op grondvlak geleë is nie, te lande gekom.
Al vier die persone in die voertuig is dood verklaar. Die oorledenes was almal van Limpopo – drie van Polokwane en een van Mokopane. Drie van die oorledenes het in Johannesburg studeer.
Brandweer- en reddingstegnici was op die toneel teenwoordig. Die ongeluk was vermoedelik die gevolg van versnelrenne (drag racing).
Foto: Vaal Times
Foto: Vaal Times
Bronne: Arrive Alive en Vaal Times
