Skok is uitgespreek oor ‘n video-opname wat op sosiale media te sien is van “gesuiwerde water” wat uit ‘n toilet aan klante verkoop word.
Die skok is wanneer die pyp uit die tenk teen die dak na ‘n agterste vertrek lei en in ‘n vuil toilet eindig.
Van die toilet loop die pyp na ‘n “suiweringsisteem” en dan al die pad terug na die tenk in die voorkant van die winkel.
Ontsteltenis hieroor kan duidelik in die video-opname gehoor word.
Nuusflits is nie seker of die insident in Roodepoort in Gauteng, of elders plaasgevind het nie.
Laat weet gerus in die kommentaar indien jy oor meer inligting beskik.
