KWAZULU-NATAL. – Sibonelo Xulu (30) word vir sy beweerde betrokkenheid by ‘n dubbele moord van sy niggies deur die Melmoth-polisie se speurtak gesoek.
Lt.kol. Nqobile Gwala sê dit is tans onbekend waar die verdagte hom bevind, maar ‘n lasbrief vir sy inhegtenisneming is deur Melmoth-landdroshof uitgereik.
Na bewering het Xulu op 19 November ‘n huis binnegegaan en twee vroue van 20 en 33 jaar geskiet. Een van die vroue het op die toneel gesterf, terwyl die ander een in die hospitaal oorlede is.
Die verdagte het uit die area gevlug.
Enigiemand met inligting oor waar die verdagte hom bevind, kan sers. Nzuza by 064 540 6911 bel.
Bron: SAPD
Kry jou nuutste nuus elke oggend per e-pos. Teken hier aan:
