Lees ook: Keniaanse ‘reeksmoordenaar’ volgens prokureur deur polisie gemartel om skuld te erken
KENIA. – Die leier van ‘n Keniaanse kultus wat glo meer as 400 mense aangemoedig het om van die honger dood te gaan se hofsaak het amptelik die week begin.
“Pastoor” Paul Mackenzie het Maandag saam met 94 ander verdagtes in die hof verskyn en het onskuldig op aanklagtes van manslag gepleit.
Mackenzie is verlede jaar in April in hegtenis geneem na 429 liggame, insluitend van kinders, in massagrafte in Shakahola gekry is. Meeste van die liggame het tekens van uithongering en aanranding getoon.
Aanklaers het gesê meer as 400 getuies sal oor die volgende vier dae getuig. Mackenzie het glo vir sy volgelinge gesê hulle sal vinniger in die hemel kom as hulle ophou eet. Hy het glo beveel kinders moet eerste hulself uithonger, dan ongetroude mans en vrouens en dan kerkleiers.
Mackenzie word ook in aparte verhore van terrorisme en kindermishandeling aangekla.
Bronne: BBC, My Joy Online, ABC News
Lees ook: Keniaanse ‘reeksmoordenaar’ volgens prokureur deur polisie gemartel om skuld te erken
