KWAZULU-NATAL. – Die liggaam van ‘n ongeïdentifiseerde man het Dinsdag aan die kus van Umhlanga uitgespoel.
KZN VIP Protection Services sê in ‘n sosialemediaplasing dié nooddiens het hulle na die toneel gehaas nadat berig van die liggaam gekry is. Met aankoms is die area beveilig en die liggaam uit die water gehaal. Die persoon het geen teken van lewe getoon nie en is dood verklaar.
Owerhede het ’n ondersoek van stapel gestuur om die omstandighede van die voorval te bepaal.
Verdere inligting sal bekend gemaak word sodra naasbestaandes in kennis gestel is en meer besonderhede bevestig is.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
