Die liggaam van ‘n bejaarde man (66) is Maandag 3 Julie 2023 in ‘n plas bloed in ‘n huis in Wilgenhof, Kroonstad, gevind.
Sers. Mahlomola Kareli sê polisie is omstreeks 16:00 na die toneeel ontbied waar die bejaarde met diep kopwonde gevind is.
Daar was gevind dat toegang geforseer is omdat die diefwering en skuifdeur oop en beskadig was.
Die oorledene is in ‘n plas bloed gevind en is op die toneel dood verklaar.
‘n Moorsaak is geregistreer en Kroonstad-polisie het ‘n soektog na die verdagte (s), geloods.
Enigiemand met inligting wat met die ondersoek kan help kan met sers. Moakhi Ramokhothoane by 084 712 0651 of 08600 10111 kontak.
Alternatiewelik kan van die MySAPS toepassing gebruik gemaak word.
Kry jou nuutste nuus elke oggend per e-pos. Teken hier aan:
