WES-KAAP. – Die liggaam van ‘n man (59) is Donderdag by die berugte Voëlklip, Heroldsbaai, waar soveel mense reeds omgekom het, uit die see gehaal.
Sers. Christopher Spies sê aan Nuusflits ‘n geregtelike doodsondersoek is geopen. Plaaslike wetstoepassingspersoneel was omstreeks 11:20 op patrollie toe hulle die liggaam in die water gesien dryf het. Nooddienste is ontbied en die liggaam is deur polisieduikers uit die water gehaal en met AMS van die toneel gevlieg. Met verdere ondersoek is die oorledene en ‘n wrak van ‘n bakkie wat aan die onderkant van ‘n krans in die water aangetref is, met mekaar verbind.
“Die polisie is nie by magte om in hierdie stadium besonderhede van die oorledene bekend te maak nie,” het sers. Spies gesê.
