KWAZULU-NATAL. – Die liggaam van ‘n man (48) het Saterdagaand by Glenashleystrand in die water gedryf.
KZNVIP Medics sê swemmers wat die aand gaan swem het, het die drywende liggaam gesien en dit na die strand getrek.
“Die vinnig denkende inwoner het nooddienste in kennis gestel, maar ongelukkig was daar geen tekens van lewe nie. Die pasiënt is deur KZNVIP Medics oorlede verklaar.”
Die polisie se soek-en-reddingseenheid en ander rolspelers was teenwoordig.
“Daar word geglo die man is vroeër die dag as vermis aangemeld. Dit kan egter nie hangende die polisie-ondersoek bevestig word nie.”
