NOORDWES. – Die liggaam van ‘n vermeende onwettige myner is Maandag uit die Margaret-skag op Stilfontein gehaal.
Brig. Sabata Mokgwabone sê veiligheidspersoneel het vlak 16 van die skag deurgegaan toe hulle op die liggaam in ‘n gevorderde staat van ontbinding afgekom het.
‘n Geregtelike doodsondersoek is geopen om die oorsaak van dood vas te stel.
Die departement van gesondheid in Noordwes het bevestig Jonny Shingani, een van 33 vermoedelike onwettige myners, wat op 14 Januarie in die Klerksdorp/Tshepong-hospitaal opgeneem is, het Donderdag aan ‘n mediese toestand gesterf.
Tydens die nasionale reddingsoperasie is 246 vemoedelike onwettige myners deur mediese personeel geassesseer, alvorens hulle aan die polisie oorgegee is. Altesaam 33 is in hospitale opgeneem, van wie 14 reeds ontslaan en aan die polisie oorhandig is. Nog 17 ontvang mediese behandeling in ‘n fasiliteit.
