DUITSLAND. – Die hoofverdagte in die verdwyning van Madeleine McCann word vandag uit ‘n tronk in Duitsland vrygelaat.
Lees ook: Verdagte in verdwyning van Madeleine McCann weier ondervraging
Christian Brueckner is sewe jaar tronkstraf opgelê vir die verkragting van ‘n vrou (72) in Portugal in 2005. Hy is in 2020 genoem as die hoofverdagte in die Madeleine McCann-saak, maar is nie aangekla nie en het volgehou hy is nie betrokke by haar verdwyning nie.
Brueckner het ‘n versoek van die Britse polisie geweier om ‘n onderhoud met hulle oor Madeleine se verdwyning te voer. Die Britse polisie het gesê hulle is bewus daarvan dat hy vrygelaat gaan word en dat “hy ‘n verdagte in die metropolisie se eie ondersoek bly”.
‘n Nuwe reeks oor die Madeleine McCann-saak het onthul dat Brueckner voorheen in verskeie lande skuldig bevind is aan die seksuele misbruik van kinders, verkragting en dwelmhandel.
Bronne: Daily Express, Daily Mail, The Mirror
Lees ook: Verdagte in verdwyning van Madeleine McCann weier ondervraging
