‘n 50-jarige man, Benjamin de Bruyn, is Donderdag dood nadat hy deur ‘n buffel aangeval is.
Die voorval het op ‘n plaas in Lephalale, Limpopo, plaasgevind.
Volgens ‘n verklaring van die Suid-Afrikaanse Polisiediens (SAPD) in Limpopo, het die buffel na bewering die man voor ‘n fotograaf en die eienaar van die Oxford-plaas, wat in ‘n boom moes klim om homself veilig te hou, doodgemaak.
“Die slagoffer was saam met die plaaseienaar en ‘n fotograaf toe die buffel hom aangeval het, nadat hy skote op die buffel afgevuur het. Hy is op slag dood,” het kol. Mamphaswa Seabi, provinsiale woordvoerder, gesê.
“Hoewel die plaaseienaar hom probeer red het deur ‘n paar skote op die buffel te skiet, het hy hom ook agternagesit en aangeval.”
Die polisie en nooddienste is na die toneel ontbied waar De Bruyn dood verklaar is, terwyl die eienaar na die hospitaal vir mediese behandeling geneem is.
‘n Polisie-ondersoek is na die voorval van stapel gestuur.
