WES-KAAP. – Keagen Samuels (27) van Bellville-Suid is deur die hooggeregshof tot 20 jaar direkte gevangenisstraf gevonnis vir die moord op sy stiefouma (93) op 1 Augustus 2021 in Dammertstraat.
AO Joseph Swartbooi sê Samuels het op die betrokke dag na sy familiehuis, ook die misdaadtoneel, gegaan. Sy bejaarde stiefouma en sy broer (10) was by die huis. Die oorledene het hulp gevra en Samuels het gefrustreerd geraak, die oorledene aangerand, verwurg en van die toneel gevlug.
Samuels is op 3 Augustus in hegtenis geneem. Lt.genl. Thembisile Patekile het speur.sers. Faizel Hercules en sy span vir die suskesvolle afhandeling van die saak en vonnisoplegging geprys.
Samuels is Woensdag deur regter Michelle Adams gevonnis.
