HAZELMERE, KWAZULU-NATAL. – ‘n Man, vermoedelik in sy 30’s, se liggaam is Sondagoggend omstreeks 07:15 in ‘n voetpaadjie aangetref. Hy is glo met ‘n televisiestel doodgeslaan.
Reaction Unit South African sê hulle hulp is ontbied, waarna die man se liggaam, met beserings deur ‘n stomp voorwerp toegedien, aan sy kop, en veelvuldige snywonde aan sy gesig, gevind is. Gebreekte glas met bloedvlekke op, afkomstig van ‘n televisiestel wat glo reeds vir maande in die voetpaadjie lê, is op die toneel gevind.
Rusa sê die oorledene is as ‘n plaaslike inwoner geïdentifiseer wat Saterdag laas glo by ‘n plaaslike drinkplek gesien is.
Die motief vir die moord is nie bekend nie.
