VRYSTAAT. – ‘n Man (29) is in hegtenis geeneem nadat hy Woensdag by Bothaville-polisiestasie vir hulp gevra het vir sy vrou (28) wat in ‘n plas bloed lê.
Sers. Mahlomola Kareli sê die man het omstreeks 16:20 by die polisiestasie aangekom. Hy het hulp gevra en aangedui sy vrou lê naby die Mezwinking- informele nedersetting in ‘n plas bloed. Die polisie het hulle na die toneel gehaas en die vrou met steekwonde aangetref. Sy is op die toneel dood verklaar.
Voorlopige ondersoek het tot die inhegtenisneming van die man gelei. Hy sal binnekort op ‘n aanklag van moord in die hof verskyn.
Die ondersoek duur voort.
