KWAZULU-NATAL. – ‘n Man, vermoedelik in sy 30’s, is Woensdagaand net na 19:30 in sy voertuig in Shelbournerylaan in La Lucia doodgeskiet.
Garrith Jamieson van ALS Paramedics sê met aankoms op die toneel was verskeie rolspelers reeds teenwoordig en die toneel afgesper. Paramedici is na ‘n bakkie met koeëlgate aan die voorkant en in die voorste deur, geneem. Die bestuurder van die bakkie het verskeie skietwonde aan sy liggaam gehad en is op die toneel dood verklaar.
Die motief van die insident is onbekend, maar word deur die polisie ondersoek.
Foto: KZN VIP Protection Services
KZN VIP Protection Services sê die diens se reaksiebeamptes is na die toneel van die verbyryskietery ontbied.
