Lees ook: Wêreldwye IT-probleme moontlik veroorsaak deur Crowdstrike kubersekuriteit
OOS-KAAP. – ‘n Man (51) is vanoggend buite sy werksplek in Korsten, Gqeberha, ontvoer.
Calvin Naidoo is vanoggend om 06:00 buite sy werksplek deur vyf onbekende verdagtes ontvoer. ‘n Nissan NP200 wat as gesteel aangemeld is, het glo in sy Mercedes-Benz vasgery terwyl ‘n bakkie agter hom stilgehou het. Naidoo is glo deur die onbekende verdagtes, met balaklawas vermom, gedwing om in die bakkie te klim.
Sy voertuig en die Nissan is op die toneel agtergelaat.
Die rede vir die ontvoering is onbekend.
Bronne: SAPD
Lees ook: Wêreldwye IT-probleme moontlik veroorsaak deur Crowdstrike kubersekuriteit
