KWAZULU-NATAL. – ‘n Verdagte (29) is deur die Normandien-polisie in hegtenis geneem in verband met ’n plaasroof waartydens ‘n vrou (56), haar seun en kleinkind glo op 10 Oktober in hulle plaaswoning van hulle besittings beroof is.
Kapt. Ntathu Ndlovu, polisiewoordvoerder, sê aan Nuusflits die slagoffers het van hulle buurman af teruggekom en twee vermomde verdagtes aangetref. Terwyl die verdagtes die slagoffers met ‘n vuurwapen gedreig het, is hulle van twee vuurwapens, drie selfone en juweliersware beroof. Die verdagtes het daarna met die slagoffers se voertuig weggery.
‘n Verdagte is intussen vasgetrek het het Vrydag 17 Oktober in die Newcastle-landdroshof verskyn en is steeds in aanhouding.
