Lees ook: Man se liggaam in bos gekry
PARKGATE, KZN. – ’n Man (33) is ontvoer, beroof en vir verskeie ure aangerand na hy Grindr gebruik het om ’n ontmoeting met iemand vir seks te reël.
Die man het by die hoofkantoor van Reaksie-eenheid SA (Rusa) opgedaag om hulp te vra om die ontvoerders vas te trek.
Hy het gesê hy het sedert Saterdag met ’n man op Grindr gepraat. Hulle het gereël om Maandag in Parkate vir seks te ontmoet. Die verdagte het ’n vervoerdiens gebruik om die slagoffer van sy huis na die punt van ontmoeting te neem. Hy is by aankoms deur ’n man verwelkom wat hom na ’n huis geneem het. Daar het vier mans hom kaal uitgetrek en met skoenveters vasgebind. Hulle het ’n video van hom geneem en gedreig om dit na sy WhatsApp-kontakte te stuur as hulle nie R5 000 betaal word nie.
Die slagoffer het gesê hy het nie geld nie, want hy is werkloos. Die verdagtes het hom gedwing om sy banktoep oop te maak om te bevestig dat hy nie geld het nie. Hy is daarna vir ure aangerand en laat gaan toe die verdagtes nie geld uit hom kon kry nie.
Bronne: Facebook
Lees ook: Man se liggaam in bos gekry
