KWAZULU-NATAL. – ‘n Man het Dinsdagmiddag gesterf toe hy tussen sy gebreekte bakkie wat hy probeer herstel het en ‘n vragmotor vasgepen is. Die vragmotor het op die R102 en Vincent Dickensonstraat-verkeersligte in Canelands omgeslaan.
Reaction Unit South Africa (Rusa) het reageer nadat oproepe vir hulp ontvang is. Die Mercedes-Benz-vragmotor het op sy sy bo-op die man se Toyota Hilux-bakkie te lande gekom en die man was vasgepen. Die bestuurder van die vragmotor, ‘n Swaziland-burger, het nie beserings opgedoen nie.
Na bewering was die vragmotor van Verulam in die rigting van Tongaat op pad toe sy remme gefaal het. Die bestuurder het probeer om van die pad af te swenk, maar het in die stilstaande bakkie vasgery nadat dit eers ‘n Toyota Fortuner getref het.
Rusa sê drie laebed-insleepvragmotors is gebruik om die vragmotor te lig, sodat die man verwyder kon word. Hy het beserings aan die kop, gesig en borskas opgedoen en is op die toneel dood verklaar.
