KWAZULU-NATAL. – ‘n Man het ‘n kort ruk gelede ernstig seergekry nadat hy van ‘n dak van ‘n tweeverdiepinghuis in Tongaat geval het.
IPSS Medical Rescue en IPSS Search and Rescue in Tongaat het hulle na die toneel gehaas. Daar is vasgestel die man was besig om die dak van die huis skoon te maak toe hy sy balans verloor en sewe meter grond toe geval het. Hy is op die toneel gestabiliseer voordat hy vir verdere mediese behandeling onder toesig van IPSS Medical Rescue se lewensondersteunende paramedici na ‘n hospitaal geneem is.
IPSS Search and Rescue in Tongaat is vir bystand op die toneel bedank.
