KWAZULU-NATAL. – ‘n Man, vermoedelik in sy 40’s, het Sondag by Ballitostrand verdrink toe hy deur die see meegesleur is.
Kelsey-Jae Meyrick van IPSS Medical Rescue en IPSS Search and Rescue sê dié diens is vir ‘n verdrinking in aanvang ontbied. Met aankoms op die strand is vasgestel die man het in die moeilikheid beland toe hy in ‘n sleurstroom vasgevang is.
Meyrick sê die oorledene is deur strandgangers, Peter Smith, Travis Gerber en Sheldon Goudge, uit die water gehaal. ‘n Verpleegster van Europa wat hier met vakansie is, het gesien die man reageer nie en het KPR toegepas. IPSS-paramedici, wat van diens en by ‘n nabygeleë restaurant was, het hulle na die toneel gehaas en by haar oorgeneem, maar kon ten spyte van hulle beste pogings nie die man se lewe red nie. Hy is dood verklaar.
Die strandgangers is deur Meyrick vir hulle hulp geprys.
“Ons meegevoel met die vriende en familie van die oorledene.”
