WES-KAAP. – Dhananjaya Verdarajaloo Naidoo (66) het op 16 November omstreeks 16:00 vermis geraak toe hy in Nuweland-bos gaan stap het.
Mike Bolhuis van Specialised Security Services (SSS) sê Naidoo het in die bewaarde area aan die oostelike hange van Tafelberg langs die voorstad Nuweland gestap. Hy was laas in ‘n blou denimbroek, ‘n ligteblou-en-grys gholfhemp en bruin stapstewels geklee. Hy het bruin hare, is 1.87 m lank en weeg 78 kg.
Enigiemand wat weet waar hy hom bevind, kan Odette van Staden by 064 700 3023 of Kobus Neethling by 072 329 0847 bel.
