VRYSTAAT. – ‘n Man (54) van Kgubetswana, naby Clarens, is in die Drakensberg doodgeskiet nadat hy die spoor van veediewe en gesteelde beeste gevolg het.
AO Mmako Mophiring sê die oorledene is met noodlotige skietwonde aangetref. Sy vuurwapen is vermoedelik deur veediewe gesteel.
Die polisie het ‘n klagte ontvang van 19 beeste wat tussen Vrydag en Saterdag op ‘n plaas gesteel is. Vee-eienaars het die beeste laat soek. Die oorledene en drie veewagters het die spoor gevolg, waarna hulle die beeste en diewe opgemerk het. Die diewe het na bewering op hulle geskiet en die man raakgeskiet. Die veewagters het gehaas om hulp te soek. Met aankoms op die toneel is die oorledene se liggaam gevind en hy is dood verklaar. Sy vuurwapen is na bewering gesteel.
Mophiring sê twee van die 19 gesteelde beeste is teruggevind.
Clarens-polisie ondersoek sake van moord, poging tot moord en die diefstal van ‘n vuurwapen.
Enigiemand met inligting word gevra om die polisiesasie by 058 256 6000 / 01 te bel.
