LIMPOPO. – ‘n Verdagte (36) sal reeds Maandag in die Mahwelering-landdroshof verskyn nadat ‘n meisie (4) glo Vrydag omstreeks 17:40 by ‘n huis in die Malepetleke-woonbuurt verkrag is.
Lt.kol. Stephen Thakeng sê die meisie se ma het haar tuis by die verdagte gelaat om na ‘n nabygeleë winkel te gaan. Toe sy tuiskom, het sy die kind huilende in die verdagte se slaapkamer aangetref en dadelik vermoed iets skort. Sy is na ‘n nabygeleë mediese fasiliteit geneem, waar verkragting bevestig is. GKS het ‘n verkragtingsaak oopgemaak en die verdagte is dadelik gearresteer.
Lt.genl. Thembi Hadebe het die voortdurende aanvalle op minderjariges in die provinsie veroordeel en gesê kinders moet veilig in hulle eie huise wees. Die ma van die minderjarige is vir haar spoedige optrede, ongeag die verbintenis met die verdagte, geprys.
Die ondersoek duur voort.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
