Lees ook: Verdagte in skietdood van Kimberley-blitspatrollielede laat vaar borgaansoek
KIMBERLEY. – Die man wat glo twee blitspatrollielede in Augustus doodgeskiet het, het gister in die hof verskyn.
Daniel Wilfred Alberts het gister in die Kimberley-landdroshof verskyn op onder meer twee aanklagtes van moord, drie aanklagtes van roof met verswarende omstandighede, diefstal en voertuigdiefstal.
Die saak teen hom is tot 29 Januarie 2024 uitgestel. Dit volg op die besluit wat geneem is om hom vir waarneming te stuur na Alberts gesê het hy was voorheen ‘n pasiënt in 27 verskillende psigiatriese hospitale.
Alberts gaan vir 30 dae vir waarneming gestuur word, maar as gevolg van die lang waglys sal die saak eers volgende jaar hervat kan word.
Daniel Wilfred Alberts (38) word aangekla van die moorde op konst. Okaetse Mandindi (35) en sers. Kedimetse Masilo (45).
Die blitspatrollielede is in Augustus doodgeskiet toe hulle op die spoor was van ‘n verdagte wat glo ‘n voertuig gesteel het.
Bronne: OFM, News24, TimesLIVE
Lees ook: Verdagte in skietdood van Kimberley-blitspatrollielede laat vaar borgaansoek
