LIMPOPO. – ‘n Man wat glo Vrydagoggend omstreeks 05:00 sy hoogswanger vrou in Seleteng Ga-Mphahlele met ‘n warm strykyster aangerand het, is in polisie-aanhouding.
Kol. Malesela Ledwaba sê die epaar het glo ‘n argument oor ‘n selfoon gehad waartydens die verdagte glo ‘n strykyster ingeprop en die slagoffer daarmee gebrand het. Sy het beserings aan beide hande opgedoen.
Volgens Ledwaba het die verdagte van die toneel gevlug, waarna die vrou vir mediese behandeling na ‘n hospitaal geneem is.
‘n Saak van aanranding met die doel om ernstig te beseer is deur die polisie geregistreer. Die verdagte is opgespoor en in hegtenis geneem.
Hy sal vandag in die Thabamoopo-landdroshof verskyn.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
