Lees ook: Saak teen Agnes Setshwantsho uitgestel
Sowat 1 502 mense is sedert 1 Desember 2024 dood in 1 234 ongelukke op Suid-Afrikaanse paaie.
Vervoerminister Barbara Creecy het gister die statistieke aangekondig. Sy het haar medelye uitgespreek teenoor die families wat iemand verloor het en het die mense wat nog herstel sterkte toegewens.
Volgens Creecy is daar ‘n toename van 5.3% (70) in die aantal mense wat dood is in die 2024/2025-feesseisoen teenoor die 4.2%-toename (50) van 2023/2024.
Die meeste mense is in ongelukke in KZN, die Oos-Kaap, Vrystaat, Limpopo, Noord-Kaap en Noord-Wes oorlede.
41% van die mense wat dood is, was voetgangers. Meeste van die voetgangers is in Gauteng, die Wes-Kaap en KZN dood. 711 184 boetes is in die feesseisoen uitgereik en 8 917 voertuie is geskut.
Creecy het gesê Suid-Afrikaners moet hulle gedrag op die paaie verander.
Sy het gesê mense moenie drink en bestuur nie. Voetgangers moet seker maak hulle is sigbaar en moet slegs paaie oorsteek waar dit veilig is.
Bronne: TimesLIVE, eNCA, The Citizen
Lees ook: Saak teen Agnes Setshwantsho uitgestel
