Lees ook: Israel ontken verantwoordelikheid vir Iran-president se dood
LONDEN. – ’n Verslag is in Londen vrygestel wat toon 3 000 mense is dood en meer as 30 000 is siek na hulle vanaf 1970 tot 1991 besmette bloed tydens oortappings ontvang het.
Meer as 30 000 persone het hepatitis C gekry na hulle besmette bloed in dié tyd tydens bloedoortappings in die VK ontvang het. Sowat 1 250, insluitend 380 kinders, het HIV-besmette bloed ontvang. Sowat 5 000 mense het ’n chroniese vorm van hepatitis C ontwikkel.
Die bloed is deur dwelmgebruikers of gevangenes geskenk en is nie ordentlik getoets vir oordraagbare siektes nie.
Die eerste minister, Rishi Sunak, het die slagoffers en hulle families om verskoning gevra vir die fout van Britse owerhede. Hy het gesê die regering sal die slagoffers en hulle families vergoed. Sunak het ook gesê die regering sal die verslag se aanbevelings bestudeer om seker te maak so iets gebeur nie weer nie.
Bronne: NY Times, BBC, The Guardian
Lees ook: Israel ontken verantwoordelikheid vir Iran-president se dood
