LEES OOK: Courteney Cox en Matt LeBlanc verbreek stilte oor Matthew Perry se dood
Die 20-jarige Megan Griesel, ’n kleuterskoolonderwyseres, is verlede maand doodgeskiet toe sy vermoedelik in kruisvuur van ’n winkelroof in Mashishing, Mpumalanga beland het.
Sedertdien is twee verdagtes, naamlik Mcolisi Queention Makama (27) en Sanele Floyd Magagula (27), in hegtenis geneem. Hierdie verdagtes het Dinsdag weer in die landdroshof verskyn. Hulle het nie om borgtog aangesoek gedoen nie en geen persfoto’s van die twee is toegelaat nie.
Monica Nyuswa, die woordvoerder van die nasionale vervolgingsgesag (NVG) in Mpumalanga, het gesê die twee verdagtes het op aanklagte van moord en sakeroof verskyn.
Die staat het vir lang uitstel gevra sodat die ondersoeke in die saak afgehandel kan word. Makama en Magagula sal tot hulle volgende hofverskyning in Januarie 2024 in aanhouding bly.
#MeganGriesel #Moord #Afrikaans #Nuus #Newsfeed
