GAUTENG. – ‘n Peuter (2) het Saterdagoggend verdrink nadat sy by haar ouerhuis in Constantia Park, in Pretoria-Oos, in ‘n swembad geval het.
Casper Visser, woordvoerder vir Volunteer Emergency Medical Response Unit, sê ‘n oproep vir hulp met ‘n peuter wat in ‘n swembad geval het, is net na 10:00 ontvang. Die ouers het intussen die peuter na ‘n apteek met ‘n kliniek gehaas om hulp te kry.
Die peuter het ondanks KPR en gevorderde lewensondersteunende intervensie gesterf.
Visser sê die polisie was op die toneel teenwoordig.
VEMRU bedank die apteekpersoneel vir KPR wat onmiddellik toegepas en hulp wat ontbied was.
“Thank you to Emer-G-Med, Netcare911, ER24, Promed ambulance services and Gauteng emergency medical services for a quick response and for giving it your best.”
Bronne: VEMRU en REKORD
